Hot And Sour Soup Recipe in Urdu

 

ہاٹ اینڈ سار سوپ

اجزاء:
چکن اسٹاک: 3 گلاس (جس میں سے 1 کپ الگ رکھ لیں)
پکا ہوا چکن: 1 کپ
باریک کٹی ہوئی ہری پیاز: 1 کپ
باریک کٹی ہوئی بند گوبھی: 1 کپ
گاجر: 2 عدد (باریک کٹی ہوئی)
شملہ مرچ: 2 عدد (باریک کٹی ہوئی)
بین اسپراؤٹس: 1 کپ
سفید مرچ: آدھا چائے کا چمچ
کالی مرچ: آدھا چائے کا چمچ
چینی: 1 چائے کا چمچ
پھینٹا ہوا انڈا: 1 عدد
میدہ یا چکن کیوب کا مکسچر: 1 کھانے کا چمچ
کرن فلور: 2 کھانے کے چمچ
نمک: حسبِ ذائقہ
سویا ساس: 3 کھانے کے چمچ
سفید سرکہ: 2 کھانے کے چمچ
چِلی ساس: 1 کھانے کا چمچ
تل کا تیل: چند قطرے
کوکنگ آئل: 3 کھانے کے چمچ

ترکیب:

سب سے پہلے ہری پیاز، کارن فلور اور بین اسپراؤٹس کو الگ رکھ دیں، یہ آخر میں شامل ہوں گے۔

ایک بڑے برتن میں باقی تمام اجزاء یعنی سبزیاں، تمام مصالحے، ساسز، اسٹاک اور سرکہ شامل کرکے ہلکی آنچ پر پکنے کے لیے رکھ دیں۔

جب سوپ میں اُبال آ جائے تو اس میں پکا ہوا چکن شامل کر دیں۔

تقریباً پانچ منٹ پکائیں، پھر الگ رکھے گئے اسٹاک والے کپ میں کارن فلور گھول کر سوپ میں شامل کر دیں۔

لکڑی کے چمچ سے مسلسل چلائیں تاکہ سوپ گاڑھا ہو جائے اور گٹھلیاں نہ بنیں۔

اب پھینٹا ہوا انڈا ڈالیں اور فوراً ہلائیں تاکہ سوپ میں خوبصورت ربن جیسی لکیریں بن جائیں۔

آخر میں چولہا بند کر کے اس میں چند قطرے تل کے تیل کے ڈالیں اور ہری پیاز و بین اسپراؤٹس شامل کر دیں۔

مزیدار گرم گرم ہاٹ اینڈ سار سوپ سرو کریں اور لطف اٹھائیں!